Kabhi Dhoondtay Thay

Your Name: Mahwish

chup kay ek niwala khanay ko bahanay dhoondtay thay
chori say kuch khilanay ko bahanay dhoondtay thay

kabhi angan may kabhi dareechay may ek jhalak ko bahanay dhoondtay thay
Kabhi ghanton ek doosray ko taknay ko bahanay dhoondtay thay

kabhi aik bar choonay ko bahanay dhoondtay thay
chalte chalte takranay kay bahanay dhoondtay thay

Ab to jesay zamanay beetay us ko mehsoos kiye
gaye wo don wo ratain jin may hum us ko dhoondtay thay

Dil pay jesay mohar si lag gayi ho hamaray
Jis may kabhi wo rehnay kay bahanay dhoondtay thay

Ab to na khwahish, na takleef aur na umeed
Sab gilay, shikway dafan hain dil ki qabar may

ab sunsan hain wo rahain jin ko
bosa denay ko kabhi hum to kabhi wo dhoondtay thay