MOHABBAT PHIR MOHABBAT HAI

Agar yeh teri khwahish hai
To phir mein bhool jaati hoon
Mohabbat ki woh sub batain
Chalo mein maan leti hoon
Ke
Hum ek doosre ke kuchh naheen lagte
Kaheen par saamna gar ho
To mein zabt-e-musalsal se
Teri janib na dekhoongi
Mein apne muzehmil sapne
Adhure khwab chahat ke
Kaheen par chhor aaoongi
Tumhein bhi yeh ijazat hai
Ke
Jo bhi man mein aaye
Jaisa chaho
Waisa kar lena
Kaheen tum bhi chale jaana
Magar yeh dhyaan mein rakhna
Kaheen par bhi rahein hum tum
“MOHABBAT PHIR MOHABBAT HAI”

Tags: MOHABBAT PHIR MOHABBAT HAI